BBlog.mn - албан ёсны блог

1-р асуудал

Сүүлийн хэд хоногт блогчид бусдын нэрийг ашиглан блогуудад сэтгэгдэл үлдээх явдал маш ихээр гарах болсонтой холбогдуулан нэгэн өөрчлөлтийг орууллаа.

Өмнө нь нэвтэрсэн хэрэглэгч сэтгэгдэл бичихэд нэр нь тухайн үеийн профайлын нэрээрээ хадгалагддаг байсан бол одоо тэр нэр нь тухайн үеийн биш яг одооны блогчны профайлын нэрээр харагддаг боллоо.

Та бүхэнд сэтгэгдэл яг үнэхээр хэн бичсэнийг лавшруулан шалгах 2 зөвлөмж өгье.

1. Нэвтэрсэн хэрэглэгчийн нэрэн дээр дарж профайлыг нь харах

2. Админ хэсгийнхээ Сэтгэгдэлүүд хэсгээр орж IP хаягийг нь харьцуулан шалгах

2-р асуудал

Мөн өчигдөр bolor7erdene блогийн хаягийг хэн нэгэн авсан байна гэсэн асуудал гарсан байна. Бид ямар нэгэн техникийн алдаа гарсан байж болзошгүй хэмээн үзээд блогуудын хаягийг түр хуучин байдалд нь оруулаад шалгалт хийж үзэхэд дараах үр дүн гарлаа.

- [23/Jun/2009:16:37:17 +0800]-д bolor7erdene блогийн эзэн өөрийн блогийн тохиргоонд өөрчлөлт хийснээр блогийн хаягаа bolor-erdene болгож сольсон байна

- [23/Jun/2009:16:37:45 +0800]-д блогийн эзэн bolor-erdene нэртэй болсон блог руу анх хандсан байна

- [23/Jun/2009:16:50:59 +0800]-д өөр хэрэглэгч суларсан байсан bolor7erdene хаягийг авсан байна.

Үүнээс цаашхи процессийг та бүхэн мэдэж буй бизээ.

Банжиг Блогийн үйлчилгээнд домайн нэрийг эзэмших асуудал нь хэн түрүүлж ирсэн нь авна гэсэн зарчимтай байдаг. Энэ зарчимын дагуу хэрэглэгчид блог хаягаа авдаг билээ. Энэ зарчимыг бид хэзээ ч гажуудуулж хэн нэгний авсан хаягийг хэн нэгэнд дур мэдэн шилжүүлж байгаагаагүй цаашид ч тэгэхгүй. Магадгүй хэн нэгэн banjig гэсэн блогийн домайн хаяг авсан байсан ч бид түүнийг болиулахгүй. Домайн нэрэн дээр баримталдаг бидний зарчим бол ердөө энэ.

Тэгэхдээ Банжиг.Нээтийн үйлчилгээний журмын дагуу хэн нэгэн санаатайгаар хууль бус зүйлс сурталчилсан, санаатайгаар хэн нэгнийг гутаан доромжилсон үйлдэл хийх аваас ямар домайнтай байсан ч хамаагүй хэнийх байсан ч хамаагүй бид тухайн блогоос шууд бичлэг устгах, тухайн блогийг бүр хаах хүртэл эрхтэйг мөн дурдах хэрэгтэй болов уу!

Өчигдөр хэрэглэгчийн зүгээс өөрөө мэдээгүй байхад блогийн хаягийг нь өөрчилсөн байсан гэсэн гомдол ирсэн учраас бид хэрэглэгчийн аюулгүй байдлыг хангах зорилгоор түр зуур bolor7erdene блогийн хаягийг сэргээж шинээр үүссэн блогийн хувьд дээрх зарчмыг зөрчсөн үйлдэл хийсэн билээ.

Нэгэнт бид өөрсдийн боломжит бүх сувгаар шалгаж үзээд домайн нэр солигдсон асуудал нь Банжиг.Нээт дэх ямар нэгэн техникийн алдаанаас болоогүй, хэн нэгэн системийн цоорхойг ашиглан хууль бус үйлдэл хийгээгүй гэдгийг тогтоосон учраас энэ 2 блогийн хаягуудыг техникийн дагуу ямар байх тэр хэвэнд нь орууллаа.

bolor7erdene блог хаягийг хуучин эзэмшиж байсан болон шинээр эзэмшиж буй хэрэглэгч нар өөрсдөө зүй зохисоо олж блогийн домайн хаягаа яахаа ярилцана гэдэгт итгэж байна.

Түүнээс бид хүмүүсийн хоорондуур гүйж ороод тэр тэглээ энэ ингэлээ, чи тэг ингэ гээд байх ёс зүйн болоод, техникийн ямар ч шаардлага байхгүй гэдгийг ойлгоно уу! Бид дээр дурдсан үйлчилгээний зарчимыг баримталж үйлчилгээ үзүүлэгчийн байр суурьнаас л асуудалд хандах болно.

Цаашид бусад блогчид иймэрхүү домайн нэрний асуудалд орохгүй байх талаар зарим зөвлөмжийг өгье.

1. Блогийн хаяг чинь хүмүүст танил болсон бол хэзээ ч битгий шууд соль түүний оронд өөр нэг блог үүсгээд тэр блог дээрээ олонд танил болсон хуучин хаягаа өгч болно. Ингэснээр шинэ хүмүүс нэр нь өөрчлөгдсөн блог руу чинь шууд орох ба харин хуучин хаягаар чинь орсон хүмүүст зориулж шинэ хаягныхаа тухай тайлбар бичлэг оруулж болно.

2. Та блогдоо төлбөртэй домайн нэр холбуулж болно. Энэ тохиолдолд хүмүүст тогтооход илүү хялбараас гадна банжиг блог дээрх дэд домайнаа заавал өөрчлөх, хэн нэгэнтэй булаацалдах шаардлагагүй болно.